مُستشعِر الكاميرا - Image Sensor

لمّا اتكلمنا عن العناصر اللي بتحدد جودة كاميرا التليفون، ذكرنا مُستشعِر الكاميرا، اللي يُعتبر أهم عناصر أي كاميرا لأنه اللي بيحس بكمية الضوء - الصورة - اللي بتدخل للكاميرا

الـ Image Sensor للموبايل بيتصنع بتكنولوجيا الـ CMOS
و CMOS = Complementary Metal-Oxide Semiconductor
ومن هنا بقى في مُصطلح CIS = CMOS Image Sensor
وبقى الـ CIS بيزنس مُنفصِل في مُعظم الشركات

ومع تطور صناعة الـ Image sensor ظهرت تكنولوجيا جديدة
اسمها BSI = Back Side Illumination ودي باختصار هدفها الرئيسي تحسين كمية الضوء اللي بتوصل للسينسور

لما نتكلم عن أي مواصفات اي سينسور لازم نشوف حجمه Sensor Size وكمان Pixel Size
كل ما زاد حجم السينسور معناه هيستقبل ضوء أكتر، عشان كده "1/2.2 أفضل من "1/3"

ومع ازدهار صناعة وسوق الإجهزة الذكية، ازدهرت كمان صناعة كاميرا التليفون و أكتر من شركة بقت بتصنع الـ Image Sensor وأهمها :

1- شركة Sony :

هي أهم شركة في مجال صناعة الـ Image sensor، اللي في 2014، كانت بتستحوذ على %40 من سوق الصناعة دي

اسم الـ Image sensor الخاص بـSony هو Exmor RS، اللي بتصنع مواصفات عالية High-end زيّ IMX 240 اللي موجود في Samsung S6 و Samsung Note 4
وزيّ IMX 234 اللي موجود في LG G4

مش بس كده، Sony كمان بتنتج المواصفات المتوسطة Mid-range اللي بتشتريه الشركات الصينية زيّ IMX 214 اللي بتشتريه Huawei و OPPO
..

2- شركة Samsung :

الشركة دخلت اللعبة وبدأت تنتج لنفسها ولغيرها، السينسور الخاص بيها اسمه ISOCELL ومع ذلك سامسونج ماقدرتش تغطي إنتاجها في الـ Galaxy S6 واستعانت بسينسور IMX 240 من Sony

سامسونج بتحاول تبتكر في صناعة الـ Image sensor بحيث تكون رائدة في المجال، فقدمت Sensor جديد اسمه BRITECELL بأصغر حجم للبيكسل وهو 1.0um وبسُمك 0.5mm

..

3- شركة OmniVision :

تُعتبر من أهم الأسماء في صناعة الـ Image sensor، وبتهتم أكتر بإنتاج المواصفات المتوسطة Mid-range والمواصفات الضعيفة Low-end عشان كده بتعتمد عليها الشركات الصينية أكتر

من فترة بسيطة الشركة أعلنت عن سينسور بمواصفات عالية وهو OV23850 اللي بيدعم تصوير فيديو 4K

من أهم الشركات الغير صينية اللي بتعتمد على OmniVision هي hTC

..

4- شركة Toshiba :

أول ما نتكلم عنها لازم نقول إنها المُنتِجة لسينسور Nokia 808 بـ 41MP اللي نوكيا أطلقت على الكاميرا دي اسم PureView

الشركة بتنتج تقريبًا في كافة المستويات وآخرها هو T4KA7 الموجود في جهز hTC One M9